Joxe Mari Iturralde Uria
Biografia
(Tolosa, 1951), Filosofia eta Letretan lizentziatua da eta orain gutxi arte irakasle aritu da. 70.eko hamarkadan, Pott bandaren sortzaile agertu zenetik, euskal letren munduan beti egon da presente aldizkari, egunkari eta bestelako argitalpenetan idatziz nahiz zenbait musikari eta abeslariren proiektuetan parte hartuz. Itzulpen ugari argitaratu du, eta helduen literaturan idatziriko eleberriez gain, haur eta gazteei eskainitako liburu sorta oparoa du. Elkar argitaletxean, besteak beste, ezagutzera eman ditu: Risky pertsonaiaren eskutik hainbat abentura, Nafarroako artizarra (1984), Marmokiñe (2000) eta Zak zikoina (2000).