Orpheo Veneziara iritsi berri da, bere burua zakar eta berezi samartzat duen hamabost urteko mutila. Hiriaren kanaletako baten ertzean dagoelarik, ezustean, hilketa baten lekuko izango da. Biktimak, baina, uretara erori aurretik zerbait emango dio: lehoi hegodun itxurako beirazko pieza bat.
Gertaera bere kasa ikertzeko erabakia hartuko du Orpheok, lagun berri batekin: Bianca. Protagonistek istorioaren mataza askatzen duten bitartean, irakurleak hiriaren historia eta lekurik esanguratsuenak ezagutu ditu.
Opera-musikaren doinua daukan munduko hiririk ederrenetako baten agertokia da Veneziako balada, misterioa eta xarma darion istorioa.