Sinopsia

Ez gara elkarrekin zahartuko, Arnaud Cathrine: Sylvain maitasunagatik doa. Maitasuna gauza bitxia da benetan, eta gauza bitxi horrek betetzen du etengabe Sylvainen gogoa. Jaterakoan Mahalia du buruan, lanplantak egiterakoan Mahalia du buruan, muturtzerakoan Mahalia du buruan. Sendatzeko, ohean afaldu behar luke harekin eta bainuak hartu, harekin, eta hura musukatu, ahoan.

Sylvainek etxetik joan behar du. Logikoa da baina aldi berean alukeria galanta. Zeren, orain, dena antolatu behar du etxe-aldaketarako, eta aintzat hartu behar ditu bere nerabezaroko krisia eta bere bat-bateko sentimendu-aldaketak. Zeren gurasoek eragozpenak jarriko dizkiote, eta erabat asaldatuta zortzi mila dei gogaikarri egingo dizkiote.

Zeren familia gauza bitxia da, maitasunaren antzera. Sylvainek ospa egingo du, eta ezin izango du ezerk gelditu. Ezerk ere ez, bere anaia Martinek salbu: Skyrock irratiaren zale amorratua, bazter-nahasle galanta nahi duenean, lerdo heldugabea gainera, txoriburua izateko sentiberegia. Bat-batean paralizatutako giza aingura, hankak elbarrituta Martini bereak erabiltzea eragotziko diona. Hamabi urterekin, Sylvainek ikasiko du istorioak nola hasten eta bukatzen diren.