Sinopsia

Hamabost urteko mutiko txiro bat da Eragon,
eta, basoan harribitxi bat aurkitzen duenenan, zorte onaren jabe izango dela pentsatzen du, hari esker negua igarotzeko behar duen haragia erosi ahal izango duela. Baina Eragonek harribitxia zela uste zuen hura arrautza berezi bat da,
eta dragoikume bat jaioko da handik. Aurrerantzean, Saphira dragoi emea Eragonen lagun mina izango da.
Biek elkarrekin arrisku handiak gainditu beharko dituzte, bizirik atera nahi badute, magiaz eta botere ezkutuez betetako mundu ezezagun batean.

Irakurle gazte nahiz zaharrengana iritsiko da Eragon, dragoiz, aztiz eta heroiz beteriko istorio zoragarria. Hizkuntza zehatz eta aberatsa darabil Paolinik; arduraz eta arretaz margotzen du Alagaësiako mundua, eta gu han murgilaraztea lortzen du. Ekintza hasi bezain pronto…
ezin duzu liburua utzi!
(Roger Page, Island Books, Mercer Island, WA)

Cristopher Paolinik fantasia eta zientzia fikzioa maite izan ditu beti. Hamabost urterekin bi-garren Hezkuntzako ikasketak bukatu eta Eragon idazten hasi zen. Hemeretzi urte zituela, li-buru hori, Estatu Batuetan salduenetako bat izatera iritsi zen. Montanan bizi da, eta, hain zu-zen, hango paisaietan inspiratu zen Alagaësiako mundu fantastikoa sortzeko. Eragon da Oi-nordekotza izeneko trilogiaren lehenengo liburua, eta Eldest bigarrena. Gaur egun egile gazte honek trilogiako hirugarren liburua idazten dihardu buru-belarri