Sinopsia

Seaska, Lapurdi, Baxe Nafarroa eta Zuberoako 27 ikastolen federazioak 40 urte bete ditu aurten. Liburu
honek 40 urte horietan Seaskaren baitan bizitako unerik esanguratsuenak ekartzen ditu gogora. Bertako
hizkuntza legez kanpo den herrian, euskararen aldeko 40 urteko borrokaren islada da Seaskaren historia.
Maialen Garatekin Seaskaren lehen 30 urteak (1969-1999), ikastolen hastapenak eta orduko eztabaida
eta kezkak dira mintzagai. Xan Airek berriz azken 10 urteak ditu aztergai (1999-2009) egun geroz eta
arrakasta handiagoa duten ikastolen bilakaera.
Ikasle, erakasle, buraso edo laguntzaile bakoitzak bere gisan, 40 urte horiek bizi dituen moldean idatz lezake
lau hamarkadetako historia. 40 urteko historia ofiziala izan gabe, liburu honek hurbilpen bat eskaini
nahi du, euskarak Ipar Euskal Herrian ukan duen zutabe garrantzitsuenaren nondik norakoak ezagutzeko,
eta ondoko urteetan heldu daitekeena hobeki konprenitzeko.